97

نئے الیکشن کمشنر راجیو کمار نے عہدہ سنبھالا

موصوف چیف الیکشن کمشنر سنیل اروڑا اور الیکشن کمشنر سشیل چندرا کے ہمراہ کام کریں گے

سرینگر؍یکم ،ستمبر ؍مرکزی حکومت نے وزارت خزانہ کے سابق سکریٹری راجیوکمار کو الیکشن کمیشن آفانڈیا کا نیا الیکشن کمشنر مقرر کیا ۔موصوف نے منگل کے روز عہدہ سنبھال لیا۔کے این ایس مانیٹر نگ ڈیسک کے مطابق وزارت خزانہ کے سابق سکریٹری راجیوکمار کو اشوک لواسہ کی جگہ نیا الیکشن کمشنر مقرر کیا گیا ہے۔نئے الیکشن کمشنر راجیوکمار نے منگل کے روز عہدہ سنبھال لیا۔ وہ چیف الیکشن کمشنر سنیل اروڑا اور الیکشن کمشنر سشیل چندرا کے ہمراہ کام کریں گے۔ راجیو کمار سابق سکریٹری مالیات ہیں۔ ان کو گزشتہ مہینے نیا الیکشن کمشنر مقرر کیا گیا تھا۔راجیو کمار کی تقرری کی اطلاع وزارت قانون کی جانب سے نوٹیفکیشن جاری کر کے دی گئی تھی۔ صدر رام ناتھ کووند نے ان کے عہدہ سنبھالنے کی تاریخ طے کر کے ان کی تقرری کو منظوری فراہم کی تھی۔ راجیو کمار1984 بیچ کے جھارکھنڈ کیڈر کے آئی اے ایس افسر ہیں۔غور طلب ہے کہ لواسہ نے گزشتہ دنوں استعفیٰ دیا تھا اور وہ منیلا میں ایشین ڈیولپمنٹ بینک (اے ڈی بی) کے نائب صدر مقرر کیے گئے تھے۔ راجیو کمار1984 بیچ کے آئی اے ایس افسر ہیں اور جھارکھنڈ کے علاوہ مرکز کی مختلف وزارتوں میں اعلیٰ عہدوں پر کام کر چکے ہیں۔راجیو کمار پبلک انٹرپرائیزز سلیکشن بورڈ کے چیئرمین بھی رہے ہیں۔ وہ وزارت خزانہ کے سکریٹری کے عہدے سے سبکدوش ہونے کے بعد الیکشن کمشنر مقرر کیے گئے ہیں۔راجیو کمار19فروری 1960 میں پیدا ہوئے۔ وہ وزارت خزانہ کے علاوہ فروغ انسانی وسائل کی وزارت، وزارت جنگلات اور بینکنگ سیکٹر میں اعلیٰ عہدوں پر فائز رہے ہیں۔ اس طرح انہوں نے36 برس تک اپنی خدمات انجام دی ہیں۔ وہ موسیقی میں بھی خاص دلچسپی رکھتے ہیں۔

اس خبر پر اپنی رائے کا اظہار کریں

اپنا تبصرہ بھیجیں