عاشق حسین زاہد
موسوم چھوس بہ آمت دآرتھ ہلم خُدایا
ترآوم سری بہ تُلہا چانی الم خُدایا
پرواز دم عقابن ہمت مہ شیر نر ہش
زیو دِم مہ طوطہ سنز ہش یوس نو کلم خُدایا
ظلمن چھُ نال وولمت مشکل چھُ حال گومت
رحماں رحیم چھوک ژیی وُنہِ کر رحم خُدایا
پشپان مہ خون زخمن چشمن تہِ گاش نیوہم
ہرداہ لوگُم گولالس تھود ژیی تولم خُدایا
مالس تہ ماجہ میانے بابس تہ میائے نانے
روزکھ ژہ رآزِ کر زیکھ نظرِ کرم خُدایا
چھوکہ لد میہ پان سوریےجگرس مہء داغ لوگمت
جامن بہُ رآچھ کرہا تِژھ دِم شرم خُدایا
پژپار گو گُلن یتہ رودکھ نہ وار وَدنس
کرزیکھ ژہ سایہ پننویی رُت دِکھ قلم خُدایا
چھِم ناو گردِ آبس ہوکار چھُم ژوپاری
پتہ چھم صنم میہ لچھہ بد ژیی تار دِتم خُدایا
چھُم نہ منگُن تگانی بوزان مگر ژہ سوریی
منگنے عطا میہ کری زِیم علم وفہم خُدایا
زاہد چھُ ناد لایان از بوزتم خُدایا
وانس لگا مہء فالو چھُم دَم بدم خُدایا
