ویڑیو

ای پیپر

اہم خبریں

کورونا پہلے سے زیادہ سنگین ، کئی ممالک میں لاک ڈاون کا نفاذ     سرینگر//.

ڈاکٹرفاروق عبداللہ سمیت دوسرے بیماروں کی جلدصحتیابی کے لئے خصوصی دعا کی.

ہائی اسکول لاجورہ پلوامہ کے 14طلباء نے ڈسٹنکشنز حاصل کیں پلوامہ/تنہا ایاز/.

کھلی دھوپ کے بیچ تعلیمی سرگرمیاںبحال

رنگ برنگی وردیوں میں ملبوس بچوں کے دلفریب مناظر

   674 Views   |      |   Thursday, April, 15, 2021

سرینگر// کئی ماہ کی سرمائی تعطیلات کے بعد ہفتہ کو کھلی دھوپ کے بیچ سبھی سرکاری ونجی اسکولوں اور کالیجوں میں تعلیمی سرگرمیاںبحال ہونے سے سکولوں کی رونق لوٹ آئی۔تاہم کشید ہ حالات کو مد نظر رکھتے ہو ئے جنوبی کشمیر میں کل بھی تعلیمی ادارے بند رہے۔نمائندےکے مطابق سال 2017میں موسم سرما کی شروعات کے ساتھ ہی وادی سرد ترین لپیٹ میں آگئی تھی اور تھٹھرتی سردی و یخ بستہ ہوائوں کے پیش نظر محکمہ تعلیم نے گذشتہ سال ماہ دسمبر سے تمام تعلیمی ادارے بند رہنے کا علان کیا تھاچنانچہ کم و بیش اڑ ھا ئی ماہ کی تعطیلات کے بعدہفتہ کو تقریباً تمام سرکاری وغیر سرکاری تعلیمی ادارے دوبارہ کھل گئے۔یہ امر قابل ذکر ہے کہ یہ اسکول یکم ما رچ کو کھلنے والے تھے تاہم جنوبی کشمیر کے شوپیاں ضلع میں فوج کے ہاتھوں دو جنگجوئوں اور چار شہریوں کی ہلاکت کے پیش نظر میڈل سطح کے نیچے تمام اسکولوں کو جمعہ تک بند کیا گیا تھا البتہ امکانی احتجاج کے پیش نظر ہفتہ کو بھی جنوبی کشمیر کے تعلیمی اداروں کو بند رکھنے کا فیصلہ کیا گیا اور اب جنوبی کشمیر کے تمام اضلاع کے تعلیمی ادار ے سوموار کو کھل جائیں گے البتہ شمالی اور وسطی کشمیر میں موجود تمام سرکاری و غیر سرکاری تعلیمی ادارے کھل گئے۔ صبح سویرے رنگ برنگی وردیوں میں ملبوس بچوں کو کتابوںکے بستے اٹھائے ہوئے اسکولوں کا رخ کرتے ہوئے دیکھا گیا۔ جس سے شہر و دیہات میں سرمائی تعطیلات کے بعد پہلی بار رونق واپس لوٹ آئی ہو۔ کھلی دھوپ کے بیچ سکول کھلنے کے پہلے روز اکثر والدین بچوں کو چھوڑنے خودا سکول تک گئے اور اْنہوں نے بچوں کی اْنگلیاں پکڑ رکھی تھیں جبکہ مختلف مقامات پر بھی والدین اور سکولی طلبہ وطالبات کی بھاری بھیڑنظر آئی جو اپنے اسکولوں کی گاڑیوں کا انتظار کررہے تھے۔اسکول کھلنے کے بعد تعلیمی اداروں کے باہر بھی طلباء وطالبات کی غیر معمولی گہما گہمی نظر آئی اور خاص طور پر شہر کے بازاروں اور سڑکوں پر نئی رونق دیکھنے کو ملی۔ صبح سے اسکول جانے والے طلبہ و طالبات کا فی خوش دکھائی دے رہے تھے اور ان میں کافی جوش وخروش پایا جا رہا تھا ۔کئی بچوں کا نیا ایڈمشن ہوا ہے جو زیادہ پر جوش نظر آرہے تھے ۔وتستاٹائمز کے رپورٹر نے شہر کے مختلف علاقوں میں قائم اسکولوںکا دورہ کرکے بتایا کہ صبح سویرے سے ہی طلبہ و طالبات اپنے اسکولوں کی طرف رواں دواں تھے جبکہ کئی بچوں کے ساتھ ان کے والدین بھی تھے جو اپنے بچوں کو اسکولوں میں چھوڑنے آئے تھے شہر سرینگر کی سڑکوں اور وادی کے دوسرے قصبوں میں بھی صبح سویرے اسکولی بس بچوں کو لیکر اسکولوں کی طرف دوڑتی ہوئی نظر آرہی تھیں۔اسی طر ح وادی کے مختلف اسکولوں کے باہر والدین کی نظر آ ئی۔ نمائندے کے مطابق تمام سرکاری و پرائویٹ اسکولوں میں کافی گہما گہمی تھی اور بچوں کے ساتھ ساتھ ان کے اساتذہ بھی چھٹیوں کے بعد ڈیوٹی دینے کے لئے اسکولوں میں حاضر ہوگئے جس کے دوران اسکولPrayerمیں بچوں نے بڑھ چڑھ کر حصہ لیا اور وہ ایک دوسرے کے ساتھ گلے لگ رہے تھے۔عرفان نامی ایک طالبہ نے بتایا کہ وہ سرکاری تعطیل کے دوران اپنے والدین کے ساتھ دہلی چلی گئی تھی اور وہ کل ہی واپس لوٹ گی ۔ انہوں نے کہا کہ وہ اڑھائی مہینوں کے بعد اپنے ہم جماعتوں سے ملی ہے اور وہ بے حد خوش ہے۔ اس دوران محکمہ تعلیم کے ضلع افسران پورے دن کافی مشغول رہے اور وہ مختلف تعلیمی اداروں کی چیکنگ اور انتظامات کا جائزہ لیتے رہے۔

متعلقہ خبریں

کورونا پہلے سے زیادہ سنگین ، کئی ممالک میں لاک ڈاون کا نفاذ     سرینگر// بھارت میں پیر کے روز کورونا وائرس کے.

دہلی/ پی آئی بی/ تعریفی سماجی و تکنیکی ماہرین ڈاکٹر چنتن وشنو کو این ٹی آئی آیوگ کے زیراہتمام حکومت ہند کا پرچم.

ڈاکٹرفاروق عبداللہ سمیت دوسرے بیماروں کی جلدصحتیابی کے لئے خصوصی دعا کی گئی   سرینگر// کرونا وائرس کی وبائی بیماری.

کہا ہندوستان کے بہادرکنبے کے اَفراد حب الوطنی اور قربانی کی زندہ مثال ہیں   سری نگر// لیفٹیننٹ گورنرمنوج سنہا.

ہائی اسکول لاجورہ پلوامہ کے 14طلباء نے ڈسٹنکشنز حاصل کیں پلوامہ/تنہا ایاز/ بورڈ آف اسکول ایجوکیشن نے گزشتہ دنوں.