ویڑیو

ای پیپر

اہم خبریں

محبوبہ مفتی کو ملک سے بغاوت کرنے کی پادائش میں فوری طورپر گرفتار کیا جانا.

محبوبہ مفتی علیحدگی پسندوں کی بولی بول رہی ہیں۔ پیپلز الائنس کی کوئی عوامی.

عصمت دری کرنے والوں کے حق میں ترنگا ریلی نکال کر بھاجپا نے کی ترنگے کی توہین:محبوبہ.

چین کے ساتھ لگنے والی سرحدوں پر فوج کوہائی الرٹ رہنے کی سخت ہدایات / فوجی چیف

   92 Views   |      |   Monday, October, 26, 2020

لداخ میں لڑاکا طیارے رات کے دوران سرحدوں کی نگرانی کر رہے ہیں۔ نائب ائر چیف نے لداخ میں فوجی تیاریوں کا جائزہ لیا

سرینگر08//اگست//چین کے ساتھ لگنے والی سرحدوں پر ہائی الرٹ جاری کردیا گیا ہے۔ معلوم ہوا ہے کہ انڈین ائر فورس اور فوج کو چوبیس گھنٹے چوکس رہنے کی ہدایت دی گئی ہے۔ فوجی سربراہ نے سینئر کمانڈروں کو ہدایت دی ہے کہ دشمن کے عزائم کو ناکام بنانے کی خاطر سرحدوں پر تعینات افواج کو چوبیس گھنٹے متحرک کیا جائے تاکہ کسی بھی ناخوشگوار واقعے کو رونما ہونے سے پہلے ہی ٹالا جاسکے۔ خبر رساں ایجنسی یو پی آئی کے مطابق چین کے ساتھ لگنے والی سرحدوں پر اچانک فوج کو متحرک رہنے کے احکامات صادر کئے گئے ہیں۔ معلوم ہوا ہے کہ لداخ ، سکم ، اُترا کھنڈ اور ارونا چل پردیش میں حقیقی کنٹرول لائن پر تعینات افواج کو ہدایت کی گئی ہے کہ وہ ڈیوٹیوں کے دوران الرٹ رہے کیونکہ دشمن کی جانب سے شرارت ہو سکتی ہے۔ ذرائع کا کہنا ہے کہ فوجی سربراہ ایم ایم نروانے نے سبھی سینئر کمانڈروں کو ہدایت کی ہے کہ چین کے ساتھ لگنے والی سرحدوں پر اضافی اہلکاروں کی تعیناتی کے ساتھ ساتھ وہاں پر تعینات افواج کو چوبیس گھنٹے متحرک رہنے کی ضرورت ہے۔ذرائع نے بتایا کہ چین کی جانب سے آئے روز حقیقی کنٹرول لائن پر بھارتی حدود میں داخل ہونے کا مرکزی حکومت نے سخت نوٹس لیا ہے اور آفیسران کو ہدایت کی گئی ہے کہ وہ اینٹ کا جواب پتھر سے دے۔ ذرائع نے بتایا کہ پچھلے تین ہفتوں سے فوجی چیف لداخ میں تعینات سینئر کمانڈروں کے ساتھ میٹنگیں کر رہے ہیں ۔ معلوم ہوا ہے کہ فوجی چیف کو چین کے ساتھ لگنے والی سرحدوں کے بارے میں روزانہ کی بنیاد پر جانکاری فراہم کی جارہی ہیں۔ ذرائع کا کہنا ہے کہ کسی بھی جارحیت کا مقابلہ کرنے کی خاطر فوج کو تیار رہنے کا حکم دیا گیا ہے۔ ذرائع کے مطابق لداخ میں چینی لبریشن آرمی کی جانب سے بھارتی حدود میں گھس آنے کے بعد اگر چہ بات چیت کا سلسلہ بھی شروع کیا گیا ہے اور کئی سیکٹروں میں چینی افواج واپس اپنے حدود میں جا چکے ہیں تاہم فوجی چیف کا ماننا ہے کہ ابھی بھی خطرہ برقرار ہے کیونکہ چین پر بھروسہ نہیں کیا جاسکتا ہے۔ بھارت نے سفارتی محاز پر بھی چین کو صاف پیغام دیا ہے کہ بھارتی حدود میں چینی افواج کی دراندازی ناقابل برداشت ہے ۔ ذرائع کا کہنا ہے کہ انڈین ائر فورس کو بھی ہائی الرٹ پر رکھا گیا ہے اور آفیسران کو ہدایت دی گئی ہے کہ وہ چوبیس گھنٹے حالات پر نظر گزر بنائے رکھے تاکہ دشمن کے عزائم کو ناکام بنایا جا سکے۔ اسی سلسلے کی ایک کڑی کے تحت ہی انڈین ائر فورس کے نائب ائر مارشل ان دنوں لداخ کے دورے پر ہیں اور وہ وہاں پر آفیسران کے ساتھ میٹنگیں کر رہے ہیں ۔ ذرائع کے مطابق نائب ائر مارشل نے لداخ میں ائر فورس کی تیاریوں کا جائزہ لیا جس دوران اُنہیں بتایا گیا کہ ائر فورسز کے اہلکار کسی بھی چیلنج کا مقابلہ کرنے کیلئے تیار ہیں۔ ذرائع کے مطابق نائب ائر چیف مارشل ایچ ایس ارورا نے لداخ میں کئی ائر فورسز اسٹیشنوں کا جائزہ لیا اور وہاں پر ائر فورس کے سینئر عہدیداروں کے ساتھ بات چیت کی۔ معلوم ہوا ہے کہ انڈین ائر فورس کے اہلکار لداخ کے شمال مشرقی علاقوں میں رات کے دوران پیٹرولنگ کر رہے ہیں تاکہ دشمن کے منصوبوں کو ناکام بنایا جاسکے۔ ذرائع کے مطابق اپاجی اور دوسرے جنگی لڑاکا طیارے دن رات لداخ میں سرحدوں کی صورتحال پر نظر گزر رکھ رہے ہیں۔ معلوم ہوا ہے کہ بری اور بحری فوج کو لداخ میں تمام تر سازو سامان سے لیس کیا گیا ہے اور اگر کوئی ناخوشگوار واقع پیش آیا تو فوری طورپر کارروائی کی جاسکے۔

متعلقہ خبریں

محبوبہ مفتی کو ملک سے بغاوت کرنے کی پادائش میں فوری طورپر گرفتار کیا جانا چاہئے /رویندر رینا
سرینگر24//اکتوبر///.

محبوبہ مفتی علیحدگی پسندوں کی بولی بول رہی ہیں۔ پیپلز الائنس کی کوئی عوامی اہمیت نہیں ہے /مرکزی وزیر جتندر سنگھ

عصمت دری کرنے والوں کے حق میں ترنگا ریلی نکال کر بھاجپا نے کی ترنگے کی توہین:محبوبہ مفتی سرینگر؍24، اکتوبر ؍ ؍ پی.

تنظیمی ڈھانچہ تشکیل ،ڈاکٹر فاروق سربراہ ،سجاد غنی لون ترجمان مقرر ، جموں وکشمیرکا پرچم اتحاد کی علامت ہوگا
عوامی.

افسر شاہی لوگوں کیلئے وبال جان ، انتظامیہ کا زمینی سطح پر کوئی نام و نشان نہیں: ساگر
سرینگر؍23، اکتوبر ؍ ؍ جموں.