ویڑیو

ای پیپر

اہم خبریں

کورونا پہلے سے زیادہ سنگین ، کئی ممالک میں لاک ڈاون کا نفاذ     سرینگر//.

ڈاکٹرفاروق عبداللہ سمیت دوسرے بیماروں کی جلدصحتیابی کے لئے خصوصی دعا کی.

ہائی اسکول لاجورہ پلوامہ کے 14طلباء نے ڈسٹنکشنز حاصل کیں پلوامہ/تنہا ایاز/.

محبوبہ مفتی کی نظربندی انتقام گیری قرار،پارٹی صدرکی رہائی کیلئے سیاسی مہم چلانے کاعزم

   349 Views   |      |   Monday, April, 19, 2021

ایک سال کے بعدپی ڈی پی کے سینئرلیڈروں کی پارٹی دفترپرمیٹنگ منعقد

گپکاراعلامیہ اورمتحدہ پلیٹ فارم پرکاربندرہنے کافیصلہ

سری نگر:۲۱،ستمبر:جے کے این ایس: تقریباًایک سال بعدمین اسٹریم جماعت پیپلز ڈیموکریٹک پارٹی(پی ڈی پی)کے صدردفتر واقع پولوویو سری نگرمیں گہماگہمی نظرآئی ،کیونکہ طویل وقت کے بعدیہاں پارٹی کے سینئر لیڈروں کی ایک میٹنگ منعقدہوئی ،جسکی صدارت پارٹی کی محبوس صدرمحبوبہ مفتی کے بجائے نائب صدرعبدالرحمان ویری نے انجام دی۔خیال رہے محبوبہ مفتی4،اگست2019 سے ایام اسیری کاٹ رہی ہیں۔جے کے این ایس کے مطابق پی ڈی پی ترجمان نے کہاکہ سوموار کی صبح پارٹی صدردفتر پرمنعقدہ میٹنگ میں سینئر لیڈران بشمول سابق وزراء اورسابق ارکان اسمبلی نے شرکت کی ،جن میں نائب صدرعبدالرحمان ویری،غلام نبی لون ہانجورہ،نعیم اختر،سرتاج مدنی ،ایڈووکیٹ محمدیوسف بٹ،نظام الدین بٹ،ظہور احمد میر،سفیہ بیگ(اہلیہ مظفرحسین بیگ)،آسیہ نقاش،محمدخورشیدعالم ،فاروق اندرابی،اعجاز میر،مشتاق شاہ،انجم فاضلی ،عبدالرزاق زاوورہ، عبدالحمید کوشین ،نذیر احمدخان،ڈاکٹر شانتی سنگھ ،وحیدپرہ،رئوف بٹ ،سہیل بخاری،طاہرسعید اورعارف لائیگرئو بھی شامل ہیں ۔میٹنگ میں شامل رہے پی ڈی پی کے ایک لیڈرنے نام مخفی رکھنے کی شرط پربتایاکہ طویل عرصہ بعدمنعقد ہوئی میٹنگ میں مجموعی صورتحال کاجائزہ لیاگیا۔انہوں نے بتایاکہ پارٹی کے سبھی لیڈروں نے گپکاراعلامیہ کی تائید کرتے ہوئے یک زبان میں کہاکہ جمو ں وکشمیر اوریہاں کے لوگوں کے چھینے گئے حقوق کی بحالی کیلئے سبھی ہم خیال جماعتوں کامتحدرہنا وقت کی اہم ترین ضرورت ہے ۔پی ڈی پی لیڈر نے بتایاکہ میٹنگ میں پارٹی صدرکی مسلسل نظربندی پرسخت تشویش ظاہرکرتے ہوئے بتایاگیاکہ محبوبہ مفتی کوسیاسی انتقام گیری کانشانہ بنانے کی پالیسی اختیارکی گئی ہے ،کیونکہ موصوفہ کسی بھی صورت میںغلط کوصحیح کہنے یاخاموش رہنے پرتیار نہیں ۔انہوں نے بتایاکہ میٹنگ میں بااتفاق رائے فیصلہ لیاگیاکہ پارٹی کی محبوس صدرکی رہائی کیلئے ایک سیاسی مہم چلائی جائیگی ،اورعوام کویہ جانکاری فراہم کی جائیگی کہ کس بناء پرمحبوبہ مفتی کی نظربندی کوطول دیاجارہاہے ۔خیال رہے گذشتہ برس ماہ اگست میں جموں کشمیر کی خصوصی پوزیشن کا خاتمہ کیا گیا جس کے بعد متعدد مین اسٹریم لیڈران کو گرفتار کیا گیا۔بعد ازاں سبھی لیڈران کی باری باری رہائی عمل میں لائی گئی تاہم محبوبہ مفتی لگاتار پبلک سیفٹی ایکٹ کے تحت اپنی سرکاری رہائش گاہ میں مقید ہے۔

متعلقہ خبریں

کورونا پہلے سے زیادہ سنگین ، کئی ممالک میں لاک ڈاون کا نفاذ     سرینگر// بھارت میں پیر کے روز کورونا وائرس کے.

دہلی/ پی آئی بی/ تعریفی سماجی و تکنیکی ماہرین ڈاکٹر چنتن وشنو کو این ٹی آئی آیوگ کے زیراہتمام حکومت ہند کا پرچم.

دہلی/ پی آئی بی/ہندوستانی بحریہ کے جہاز آئی این ایس ست پورہ (ایک اٹوٹ ہیلی کاپٹر کے ساتھ لگے ہوئے) اور آئی ۔ مشرقی.

ڈاکٹرفاروق عبداللہ سمیت دوسرے بیماروں کی جلدصحتیابی کے لئے خصوصی دعا کی گئی   سرینگر// کرونا وائرس کی وبائی بیماری.

کہا ہندوستان کے بہادرکنبے کے اَفراد حب الوطنی اور قربانی کی زندہ مثال ہیں   سری نگر// لیفٹیننٹ گورنرمنوج سنہا.