ویڑیو

ای پیپر

اہم خبریں

اڈوانی، جوشی ، اوما بھارتی سمیت تمام ملزمان کوبری کردیا سرینگر/30ستمبر28 سال.

ایمنسٹی انٹرنیشنل نے منظر عام پر لانا چاہا تو انہیں توبھارت نے دفاتر بند.

ضروری قانونی کارروائی کے بعد نعشیں لواحقین کو سونپ دی جائے گی/ آئی جی کشمیر.

عبوری حکومت کے قیام پر طالبان سے مذاکرات کیلئے تیار : عبداللہ عبداللہ

   100 Views   |      |   Wednesday, September, 30, 2020

سری نگر:۲۵،جون/افغانستان کی اعلیٰ کونسل برائے قومی مفاہمت کے سربراہ عبداللہ عبداللہ نے کہا ہے کہ بین الافغان مذاکرات شروع ہونے پر وہ طالبان کے ساتھ ملک میں عبوری حکومت کے قیام سے متعلق بات چیت کے لئے بھی تیار ہیں۔عبداللہ عبداللہ نے یہ بات تنازعات کے حل اور ان کی روک تھام کے لئے کام کرنے والے ادارے’امریکی انسٹی ٹیوٹ آف پیس‘ میں ایک مباحثے کے دوران کی۔مباحثے کے دوران افغان رہنما سے سوال کیا گیا کہ کیا وہ افغان حکومت اور طالبان کی مشترکہ عبوری حکومت کے قیام سے متعلق طالبان کی تجویز تسلیم کر سکتے ہیں؟اس کے جواب میں عبداللہ عبداللہ نے کہا کہ وہ اس پر بات چیت کے لئے تیار ہیں۔ فریقین کو کئی دہائیوں سے جاری دشمنی ختم کرنے کے لئے سمجھوتا کرنے پر تیار رہنا چاہیے۔ اس لیے مذاکرات کی میز پر آئیں اور وہاں بات کریں۔عبداللہ عبداللہ کا کہنا تھا کہ ہمیں اپنے خیالات میں لچک پیدا کرنی ہو گی۔ اب ہمیں پائیدار امن کے راستے پر چلنے سے کوئی نہیں روک سکتا۔عبداللہ عبداللہ کا یہ بیان افغان صدر اشرف غنی کے اس حالیہ بیان کے بالکل برعکس ہے جس میں انہوں نے طالبان کے ساتھ امن معاہدے کے پیشِ نظر عبوری حکومت کے قیام کے لیے اپنے عہدے سے دست برداری کے امکان کو مسترد کیا تھا۔رواں ماہ کے آغاز میں صدر اشرف غنی نے ایک سیمینار سے خطاب کرتے ہوئے کہا تھا کہ عبوری حکومت کے قیام سے متعلق کوئی بھی بحث قبل از وقت ہے۔ انہوں نے کہا کہ وہ افغان عوام کی مرضی سے کام کر رہے ہیں، طالبان کی مرضی سے نہیں۔خیال رہے کہ عبداللہ عبداللہ افغان صدر اشرف غنی کے حریف رہے ہیں۔ گزشتہ سال ہونے والے انتخابات میں دونوں رہنماوں نے کامیابی کا دعویٰ کیا تھا۔ تاہم گزشتہ ماہ دونوں رہنماوں کے درمیان شراکت اقتدار کا ایک معاہدہ طے پا گیا تھا۔ معاہدے کے بعد عبداللہ عبداللہ کو طالبان کے ساتھ امن عمل کی قیادت سونپی گئی ہے۔عبداللہ عبداللہ کے حالیہ بیان پر افغان صدر یا ان کے دفتر سے کوئی ردِ عمل سامنے نہیں آیا ہے۔طالبان صدر اشرف غنی کی حکومت کو تسلیم نہیں کرتے۔ وہ افغان حکومت کو امریکہ کے افغانستان پر ’غیر قانونی قبضے‘کا تسلسل قرار دیتے ہیں۔بدھ کو اپنے خطاب میں طالبان کے افغان فورسز پر بڑھتے ہوئے حملوں پر تشویش کا اظہار کرتے ہوئے عبداللہ عبداللہ نے کہا کہ ایسے واقعات افغان امن عمل کے لئے ہماری سنجیدگی کو امتحان میں ڈال سکتے ہیں۔ان کے مطابق پْر تشدد واقعات سے امن عمل کو نقصان پہنچ سکتا ہے اور ان کے بقول انہوں نے اپنے ان خدشات سے طالبان کو بھی آگاہ کر دیا ہے۔واضح رہے افغان حکام اور طالبان کی مذاکراتی ٹیم کے ارکان بین الافغان مذاکرات کے سلسلے میں قطر کے دارالحکومت دوحہ میں ملاقات پر اتفاق کر چکے ہیں لیکن ملاقات کی تاریخ کا اعلان نہیں کیا گیا۔عبداللہ عبداللہ نے اپنی گفتگو کے دوران واضح کیا کہ طالبان افغان حکومت کے ساتھ امن مذاکرات تب تک شروع نہیں کرنا چاہتے جب تک حکومت ان کے تمام پانچ ہزار قیدی رہا نہیں کر دیتی۔انہوں نے کہا کہ 75 فی صد قیدیوں کو رہا کیا جا چکا ہے جب کہ باقی کو بھی جلد رہا کر دیا جائے گا۔عبداللہ عبداللہ کا کہنا تھا کہ طالبان نے بھی بدلے میں ایک ہزار افغان سیکورٹی اہلکار رہا کرنے ہیں جن میں سے 600 قیدی رہا ہو چکے ہیں۔

متعلقہ خبریں

اڈوانی، جوشی ، اوما بھارتی سمیت تمام ملزمان کوبری کردیا سرینگر/30ستمبر28 سال پرانے بابری مسجد انہدام کیس میں سی بی.

ایمنسٹی انٹرنیشنل نے منظر عام پر لانا چاہا تو انہیں توبھارت نے دفاتر بند کردیئے / قریشی سرینگر/30ستمبر/پاکستان کے.

ضروری قانونی کارروائی کے بعد نعشیں لواحقین کو سونپ دی جائے گی/ آئی جی کشمیر ، لواحقین مشاورات کیلئے طلب سرینگر/30ستمبر/امشی.

دینی ، سماجی اور ادبی تنظیموں کا رنج وغم کا اظہار پلوامہ/ تنہا ایاز/ قصبہ پلوامہ کے پرچھو علاقے کی ایک نیک سیرت خاتون.

سینکڑوں لوگوں نے اپنا علاج و معالجہ کروایا اور مفت ادویات حاصل کی پلوامہ/ تنہا ایاز/ سول ڈیفنس سرینگر احسان فائونڈیشن.